मास च्या वर्धापणदिनी गणेश कारभारी यांची लोहारा सर्कल प्रमुख पदी निवड.
उदगीर/बातमीदार:-शिक्षण क्षेत्रासंदर्भात मराठवाड्यातील अनुशेष भरून काढण्याबाबत किंवा केजी टू पीजी यामधील गुणात्मक कौशल्यावर आधारित शिक्षणाच्या प्रचार आणि प्रसारासाठी मराठवाडा असोसिएशन फॉर स्टुडन्ट ही संघटना काम करत असून या संघटनेविषयी कुठेतरी तरुणांच्या मनामध्ये आत्मीयता आहे,किंवा त्यांना विश्वास आहे.म्हणून अनेक तरुण हे पुढे येत असून कुठेतरी युवकांच्या मनात अजून व्यक्तीच्या जीवनातील शिक्षणाचे महत्त्व आणि त्याची जाणीवही मृत झालेली दिसत नाही.
खऱ्या अर्थाने महाराष्ट्राच्या तुलनेत मराठवाडा तसा उशिराने स्वातंत्र्य झाला. त्यामुळे शिक्षण क्षेत्रातील सुविधा, तंत्रज्ञान ते शेवटच्या घटकापर्यंत पोहोचणे तेवढे सहज शक्य झालं नाही आणि मराठवाड्यामध्ये इतर विभागांपेक्षा जास्त मागासलेपण येणार हे साहजिक होतं आणि ते आले. आणि हेच मागासलेपण दूर करण्यासाठी मास सोबत मोठ्या प्रमाणावर तरुण काम करण्यासाठी उत्साही आहेत आणि त्याच उत्साहाने 17 सप्टेंबर म्हणजेच संघटनेचा वर्धापन दिन या प्रथम वर्धापनदिनी उदगीर येथे संघटनेचे विभागीय अध्यक्ष श्रीकांत जाधव यांच्या उपस्थितीत अनेक विद्यार्थी संघटनेमध्ये सामील झाले.याच बैठकीमध्ये लोहारा येथील युवक ज्यांनी विद्यार्थ्यांसाठी भरीव कार्य केलं आहे तसेच शेतकऱ्यांसाठी देखील अनेक उपक्रम घेत असतात असे गणेश कारभारी यांना लोहारा सर्कल प्रमुख म्हणून निवड करण्यात आली या निवडीचे नियुक्तीपत्र संघटनेचे विभागीय अध्यक्ष श्रीकांत जाधव यांच्या हस्ते देण्यात आले. याप्रसंगी कृष्णा जाधव, नरसिंग पवार,सुशांत येळनुरे, गजानन कटारे,कार्तिक नखाते,शिवशंकर बिरादार आदी विद्यार्थी उपस्थित होते.
0 Comments